MPFUMA ZA MAFALA A MULUNGU | EKSODO 35-36

Yahova Asatipfundzisa Toera Kucita Basa Yace

Eks. 35:25, 26, 30-35; 36:1, 2

Nzimu wakucena wa Yahova waphedza Bhezaleli na Oliabhe toera kutowezera pitsogolero pyakumanga tabhernakulo. (Onani foto iri patsamba yakutoma.) Nzimu wakucena wa Yahova usaphatambo basa kuna atumiki ace lero. Tisafunika kucitanji toera tiphedziwembo na nzimu wakucena?

Tisafunika kuphemba nzimu wakucena kuti utipase maluso toera tiaphatisire m’basa ya Yahova
Tisafunika kupfundza Mafala a Mulungu ntsiku zonsene
Tisafunika kucita na ntima onsene mabasa onsene anapaswa ife

Foto: Mboni za Yahova zikucita mabasa akusiyana-siyana. 1. Alongo akuphedzera basa yakumanga. 2. M’bale ali kukhunganyika toera kucitisa Pfundziro ya ‘Ncenjezi’. 3. M’bale akumwazira mphangwa mamuna wakuti ali kugulisa pinthu, mu ndzidzi wakuti m’bale unango ali kuyang’ana n’khundu gopa kuoniwa na anyakutcinga. 4. Banja iri pa Xikola ya Amwazi Mphangwa a Umambo.

Ndi mabasa api akuti Yahova anakwanisa kukupfundzisani?