KUKHALA M’MASO NINGA AKRISTU

Makhundu Akuphedza a Bukhu Yakuti Seja Feliz Para Sempre!

Kodi imwe musakomerwa na kuphatisira mavidhyu na mibvundzo inagumanika m’bukhu Seja Feliz Para Sempre!? Imwe musakomerwa na makhundu akuti “Algumas Pessoas Dizem,” “Tente o seguinte,” na “Quer Pesquisar Mais?” Ndi makhundu api anango a bukhu ineyi anaona imwe kuti ndi akuphedza pakucitisa pfundziro ya Bhibhlya?—Mat. 28:19, 20.

Bukhu ya “Seja Feliz Para Sempre!” mu “JW Library.” Foto iri kupangiza cidzindikiro toera kufungula “Mavidhyu na Pinthu Pinango pya khundu 1.”

Mavidhyu na Pinthu Pinango: Khala musafuna kucitisa pfundziro ya Bhibhlya mukuphatisira bukhu ineyi yakudhindwa, munakwanisa tani kuona mavidhyu onsene na pinthu pinango? Mu JW Library, sankhulani khundu ibodzi mwa makhundu manai a bukhu ineyi. Pantsi pa misolo ya khundu idasankhula imwe, munakwanisa kugumana mavidhyu onsene na pinthu pinango pya khundu ineyi. (Onani foto 1.)

Khundu Yakuti “Edição Impressa”: Khala muli kucitisa pfundziro ya Bhibhlya mukuphatisira bukhu ya mu JW Library, panango munakomerwa kuphatisirambo khundu yakuti “Edição Impressa” mu ndzidzi wa pfundziro. Mungafungula nsolo unafuna kupfundza imwe, pfinyani maponto matatu ali padzulu kukhundu yamadyo, buluka penepo pfinyani pa khundu yakuti “Edição Impressa.” Mungacita pyenepi, munakwanisa kuona tsamba yonsene pa tela, pontho pyenepi pinakuphedzani toera kubveranisa mwakukhonda nentsa pinthu pyonsene pinafuna kupfundzwa mu nsolo unoyu. Toera kubuluka pa khundu ineyi, pfinyani pontho maponto matatu, buluka penepo pfinyani pa “Edição Digital.”

Bukhu ya “Seja Feliz Para Sempre!” mu “JW Library.” Foto iri kupangiza cidzindikiro toera kufungula khundu yakuti “Estou pronto?” na khundu yakuti “Entenda Melhor.”

“Estou pronto?”: Mabokosi anewa asagumanika kunkhomo kwa misolo yonsene ya bukhu ineyi, pontho asalonga pinthu pinapangiza khala munthu ali wakuthema toera kumwaza mphangwa na mpingo na kubatizwa. (Onani foto 2.)

Entenda Melhor: Khundu yakuti entenda melhor isafokotoza pinthu pingasi pyakufunika kakamwe pinagumanika m’bukhu ineyi. Bukhu ya mu JW Library, pa khundu yakuti entenda melhor iri na malinki akuti anakuphedzani toera kubwerera pa nsolo udapfundza imwe mphangwa zenezi. (Onani foto 2.)

Wangisirani toera kumalisa kupfundza bukhu yakuti Seja Feliz Para Sempre! na anyakupfundza a Bhibhlya, ngakhale kuti abatizwa mbadzati kumalisa bukhu ineyi. Imwe munapitiriza kulengesa ndzidzi, maulendo akubwereza na pfundziro, ngakhale nyakupfundza wanu amale kubatizwa. Khala muli pabodzi na m’mwazi mphangwa unango pa pfundziro ineyi, iye asafunikambo kulengesa ndzidzi