Munakwanisa Kuphindula na Revista ya Malongero Akukhonda Nentsa?

A Sentinela ya pfundziro isagumanikambo cincino m’malongero akukhonda nentsa mu Cingerezi. Revista ineyi yacitirwa anthu akuti ndi (1) amwazi mphangwa analonga Cingerezi akuti anaphindula na mafala akukhonda nentsa, panango thangwi nee apfundza maningi; (2) amwazi mphangwa akuti cilongero cawo nee ndi Cingerezi; (3) aphale na atsikana, kuphatanizambo ale akuti ali m’makalasi apakati; na (4) anyakupfundza Bhibhlya akuti asafuna malongero na mafala akukhonda nentsa toera kubvesesa mphangwa zauzimu.

Numero za ndima, mibvundzo na misolo ming’ono ndi ibodzi ene na A Sentinela ya pfundziro. Mphangwa za A Sentinela ndi zibodzi zene, mbwenye mafala ndi akusiyana. Ngakhale kuti nyakutsogolera Pfundziro ya A Sentinela na nyakuleri anaphatisira A Sentinela ya pfundziro, kusiyapo khala anyakubvesera azinji asaphatisira revista ya malongero akukhonda nentsa, ale anaphatisira revista ya malongero akukhonda nentsa anadzaona malemba mabodzi ene pithundzithundzi pibodzi pyene, natenepa anadzakwanisa kutowezera kulerwi kwa ndima na kutawira.

Munthu onsene angaona kuti anadzaphindula na revista ineyi anakwanisa kucita phembo kuna ntumiki wa marevista.