Kusudzulwa m’Ijitu Mpaka Pa Mambo Wakutoma Wa Israyeli

Mozese atsogolera Aisrayeli kubuluka ku ubitcu m’Ijitu mpaka ku Phiri ya Sinai, kudaapasa Mulungu miyambo yace. M’kupita kwa nzidzi, Mozese atuma amuna 12 towera akazonde dziko ya Kanani. Mbwenye 10 a iwo abwerera na mphangwa zakuipa. Iwo acitisa anthu kufuna kubwerera ku Ijitu. M’kusowa kwawo cikhulupiro, Mulungu alanga Aisrayeli m’kuacitisa kufamba kwene m’thando piaka 40.

Pakumalisira, Yobzwa asankhulwa kuti atsogolere Aisrayeli kupita m’dziko ya Kanani. Towera kuaphedza kukunda dziko, Yahova acitisa pirengo. Iye acitisa Nkulo wa Yoridani kulimira kufamba, zingome za Yeriko kugwa, na dzuwa kulimira ntsiku yamumphu. Pakumala piaka pitanthatu, iwo akunda dziko ya Akanani.

Kutoma na Yobzwa, Israyeli atongwa na atongi amiseru m’piaka 356. Tinadzapfunza pya azinji a iwo, kuphataniza Baraki, Gideyoni, Yefita, Sansoni, na Samueli. Tinadzalerimbo pya akazi ninga Rahabi, Debora, Yaeli, Rute, Naomi na Dalila. M’pyonsene, piaka 396 pya pyakucitika pisalongwa m’Khundu YACITATU.