KHUNDU 9

Kodi Paradizu Inabwera Lini?

Nyatwa zinaoneka mu dziko yonsene yapantsi zisapangiza kuti Umambo wa Mulungu uli cifupi na kubweresa paradizu. Luka 21:10, 11; 2 Timoti 3:1-5

Anthu azinji mu ntsiku zakumalisa athabuka na nkhondo, pidengwa, kucepa kwa cakudya, kukhonda kubvera anyakubala na uphanga pa banja

Bhibhlya yalonga kale pinthu pizinji pyakuti pisacitika mu ndzidzi wathu. Iyo yalonga kuti anthu mbadakhala akufuna kobiri, akukhonda bvera anyakubala, aukali, na akufuna tsenzo.

Bhibhlya yalongambo kuti mbapadaoneka piteketeke pikulu, nkhondo, kucepa kwa pyakudya na matenda akuthimizirika kakamwe. Pinthu pyenepi pikucitika mu ndzidzi wathu.

M’bodzi wa Mboni za Yahova akumwaza mphangwa zadidi za Umambo kuna mamuna m’bodzi

Yezu alongambo kuti mphangwa zadidi za Umambo mbizidamwazwa mu dziko yonsene yapantsi.—Mateo 24:14.

Umambo wa Mulungu unadzabulusa uipi onsene. 2 Pedro 3:13

Anthu akuipa ali kuphiwa pa Armagedhoni, buluka penepo Sathani na mademonyo ace anatcunyuswa

Mwakukhonda dembuka Yahova anadzafudza anthu onsene akuipa.

Sathani pabodzi na mademonyo ace anadzatcinyuswa.

Yazu akhala pa mpando wace waumambo kudzulu. Anthu akusiyana-siyana akutsandzaya

Anthu onsene anabvera Mulungu anadzapulumuka mbakhala mu dziko ipswa yakulungama, yakuti anthu nkhabe kudzagopa. Mu dziko ineyi anthu onsene anadzakhala akunyindirana unango na nzace.