Mafala Akutoma a Khundu 3

Bhibhlya isalonga kuti pidamala kubvumba Madzi Makulu, anthu akhatumikira Yahova akhali akucepa kakamwe. M’bodzi wa iwo akhali Abhrahamu, wakuti akhadziwika ninga xamwali wa Yahova. Thangwi yanji iye akhacemerwa xamwali wa Yahova? Khala ndimwe nyakubala, phedzani mwananu toera adziwe kuti Yahova asanfuna, pontho asafuna kum’phedza. Pontho mpangizeni kuti ife tinakwanisambo kuphemba Yahova toera atiphedze ninga pidacita Abhrahamu, Loti na Yakobe. Mpangeni kuti tinakwanisa kukhala na cinyindiro cakuti Yahova anadzakwanirisa mapikiro onsene analonga iye.