Mafala Akutoma a Khundu 8

Yahova apasa Salomoni udziwisi, pontho ampasa mwai wakumanga templo, mbwenye mwapang’ono-pang’ono iye asiya kutumikira Yahova. Khala ndimwe nyakubala, phedzani mwananu kubvesesa kuti ulambiri wauthambi wacitisa tani Salomoni kusiya Yahova. Umambo wadzagawika, pontho amambo akuipa acitisa anthu kusiya kulambira Mulungu mbalambira madzimunthu. Mu ndzidzi unoyu, aprofeta azinji a Yahova akhathabuswa peno kuphiwa. Nyanyi Yezabheli acitisa umambo wa kunkwiriro kucita pinthu pyakuipa. Unoyu ukhali ndzidzi wakunentsa kuna Aizraeli. Mbwenye akhalipo atumiki azinji akukhulupirika a Yahova mu Izraeli, kuphatanizambo Mambo Yosafate na mprofeta Eliya.