Mafala Akutoma a Khundu 10

Yahova ndi Mambo adacita pinthu pyonsene. Ndzidzi onsene iye asaphedza atumiki ace, pontho anadzacita pibodzi pyene ntsogolo. Mwacitsandzo, Yahova apulumusa Yeremiya mu ndzidzi ukhadaponywa iye mu ncera. Iye apulumusa Sadhrake, Mezaki na Abhedhenego n’djendje ya moto, pontho apulumusa Dhanyeli n’djendje ya nkhalamu. Yahova atsidzikiza Esteri toera kupulumusa mbumba yace yonsene. Yahova nee anadzasiya kuti uipi upitirize kwenda na kwenda. Maprofesiya a dzimunthu ikulu na muti ukulu asatipasa cinyindiro cakuti Umambo wa Yahova unadzamalisa uipi mbutonga dziko yapantsi.