NSOLO WA REVISTA | MUNAKWANISA KUKHALA NA UXAMWALI NA MULUNGU

Nkhabebve Umaso Wadidi Kakamwe Kupiringana Uyu

Musafunika kucitanji toera kukhala na uxamwali na Mulungu? Tadinga njira zinatowerera izi zakuti munakwanisa kuziphatisira toera kukulisa uxamwali wapaduzi na iye:

1. Kudziwa na kuphatisira dzina ya Mulungu, Yahova.

2. Kulonga mwakukhonda phonya na iye kubulukira mu kucita phembero na kupfundza Mafalace, Bhibhlya

3. Kupitiriza kucita pinthu pinakomeresa Yahova.

Mwakubverana na njira zenezi, mbamudalonga kuti mukucita pinthu pinafunika toera kukhala na uxamwali na Mulungu? Pana makhundu anango akuti musafunika kuasasanyira? Mwandimomwene, kuwangisira ndi kwakufunika, mbwenye onani maphindu.

Jennifer wa ku Estados Unidos alonga: “Kuwangisira konsene toera kukulisa uxamwali na Mulungu ndi kwakuthema. Uxamwali unoyu usabweresa nkhombo zizinji: Kunyindira mwakukwana Mulungu, kubvesesa mwadidi makhaliro ace. Kupiringana pyonsene, kukhala na ufuni ukulu kakamwe. Nkhabebve umaso wadidi kakamwe kupiringana uyu!”

Khala musafuna kukhala na uxamwali wapantima na Mulungu, Mboni za Yahova anadzakhala akutsandzaya toera kukuphedzani. Iwo anakwanisa kucita masasanyiro toera kupfundza Bhibhlya na imwe, mwakukhonda lipa. Musacemerwa toera kugumanika pa Misonkhano yawo yakupfundza Bhibhlya pa Nyumba ya Umambo. Imwe munadzatsandzaya kugumanyikana pabodzi na anthu anewa akuti asapasa ntengo uxamwali wawo na Mulungu.a Mungacita pyenepi, munadzakhalambo na mabvero ninga a nyamasalmo adalonga kuti: ‘Kufendedzera cifupi Mulungu mphyadidi kwa ine.’​—Masalmo 73:28.

[Cidzindikiro capantsi]