Pyakulonga Pa Kugawira Marevista

A Sentinela 15 de Abril

“Cifupi na anthu onsene asatawira kuti cinthu cibodzi cakufunika towera kukhala na umaso wa banja wakutsanzaya ndi kuceza mwadidi, mbwenye anthu azinji asaona kukhala kwakunensa kuceza mwadidi. M’maonero anu, kodi ndi ninji cinacitisa pyenepi? [Dikhirani ntawiro.] Revista iyi isapasa maonero anafuna kutiphedza kukulisa luso yakuceza.” Lerini Tyago 1:19.

Despertai! ya Abril

“Anthu azinji asalonga kuti kurusu isaaphedza kupibva kuti ali duzi kakamwe na Mulungu. Mbwenye anango asadzudzumika na kufuna kudziwa: Kodi pyathema kulemedza cinthu cidaphatisirwa towera kupha Yezu? Kodi Yezu afadi pa kurusu? Nsolo unatoma pa tsamba 12 usadinga mabvunzo anewa kubulukira ku maonero a Biblya.” Lerini Machitiro 5:30.

A Sentinela 1.° de Maio

“Mamiliyau a anthu m’dziko yonsene yapantsi asanenseka na pyakubwereswa pyakupha ntima pya ucerengi. M’maonero anu, kodi ndi ninji cinafunika kucitwa towera kuaphedza? [Dikhirani ntawiro. Buluka penepo lerini 1 Pedro 2:21.] Revista iyi isafokotoza kuti tinakwanisa tani kutoweza citsanzo ca Yezu m’kupangiza citsalakano kwa anyakucerenga.”

Despertai! ya Maio

“Kodi mwatoma saka kudziwa kuti thangwi yanji tisakalamba? [Dikhirani ntawiro.] Nfokotozo wa Biblya wakuti thangwi yanji tisakalamba usapangiza pidacita Mulungu towera tikwanise kutsanzaya na umaso okhonda mala. [Lerini Izaiya 25:8.] Revista iyi ya Despertai! isadinga manyerezero mangasi a ntsiku zino thangwi ya kukalamba.”