Programu Ipswa Ya Ntsiku Ya Nsonkhano Wakupambulika

M’kuwangiswa na nzimu wakucena, Akristu akutoma awangisira kakamwe kumwaza mphangwa zadidi m’pisa pizinji. (Mach. 1:8; Akol. 1:23) Programu ya ntsiku ya nsonkhano wakupambulika ya caka ca basa ca 2007 yakukhala na nsolo wakuti: ‘Khalani Wakudzudzumika Kakamwe Na Mafala’ inadzatiphedza kutowerera citsanzo cawo cadidi kakamwe.—Mach. 18:5, Tradução do Novo Mundo.

M’kufokotoza mafala a Mulungu Mambo Davide alonga: “Matongero a Mbuya [ndi akukhulupirika], mbaapasa udziwisi anausowa.” (Sal. 19:7) Programu yakukhunganywa mwacidikhodikho ya ntsiku ya nsonkhano wakupambulika, inadzagomezera ntengo wa Biblya “pa kusandika” na inadzatiwangisa kuphatisira Mafala a Mulungu pa kumwaza mphangwa na kupfunzisa mwaphinga. (2 Tim. 3:16, 17) Programu ipswa ineyi inadzapangiza kuti tinacalira tani ngobzi na tinaphindula tani m’kuphatisira midida ya Biblya m’umaso wa ntsiku na ntsiku. Pyenepi pinadzaticitisambo kuphatisira Mafala a Mulungu towera kuphedza aphale na atsikana na anthu apswa m’mpingo towera kuenda kutsogolo mwauzimu.

Citani pyonsene towera mugumanike munatoma programu, na bveserani mwacidikhodikho. Lembani ntsonga zinafuna imwe kuziphatisira. Pangizani kupereka kwanu takhuta ku pipfunziso na pikumbuso pidatambira imwe, na nyerezerani kuti musafuna tani kuphatisira pinthu pidapfunzwa.

Programu ineyi ya ntsiku ya nsonkhano wakupambulika inadzakulisa kupereka kwathu takhuta ku Mafala a Mulungu, kutikumbusa kupitiriza kukhala dzololo m’kumwaza mphangwa zadidi za Umambo mwaphinga, na kupangiza kuti tinaphedza tani anango kucita cibodzibodzi. Natenepa tongani kukhonda luza nee citsogolero cibodzi na pipfunziso pinapereka Yahova m’njira ineyi!—Iza. 30:20b, 21.