Amwazi Mphangwa A Umambo Akufunika:

Ndi kwakukomeresa tani kuona kukula kwa utumiki wathu, makamaka m’nzidzi wa cikumbuso! M’nthanda ya Murope takhala na cilengeso cipswa ca amwazi mphangwa cakukwana 42.392 na kwagawirwa mabukhu akupiringana 12.000 m’basa ya mmunda! M’nthanda ya Bwinja anthu akupiringana 187.000 agumanika pa phwando ya Cakudya Cancidodo Ca Mbuya, kwathimizirika anthu akupiringana 13.000 mwakusiyana na caka cidamala. Pyenepi ndi pyakusimbika.

Kutomera m’nthanda ya Thongwe Utumiki Wathu Wa Umambo watoma kugumanika m’cilongero ca Cisena na Cimakuwa. Abale analonga pilongero pyenepi angakwanise cincino kubulusa maphindu mazinji m’Nsonkhano Wa Basa. M’kuthimizira, Utumiki Wathu Wa Umambo m’pilongero pyenepi, unadzabwera pabodzi na “Kubwerezera Kwa Xikola Ya Utumiki Wa Mulungu” kunacitwa pakumala kupita nthanda ziwiri. M’njira ineyi onsene anadzabulusa maphindu mazinji a misonkhano ineyi.

Yahova ali kupasambo nkhombo basa ya Cilongero Cakulonga na Manja. Cincino tiri na misoka yakukwana 10 ya Cilongero Cakulonga na Manja inagumanika cifupi m’magawo onsene a dziko yathu. Tendeni tiwangisire kuphedza anyakukhonda kubva azinji anagumanika m’cisa cathu.

Ndandanda wa kumanga Nyumba za Umambo ukupitiriza kuenda kutsogolo. Mpaka lero, kwamangwa Nyumba za Umambo zakukwana 490. Tiri kukusimbani abale thangwi ya ciphedzo cinapereka imwe ca pyakumanga napyo na mphambvu zanu. Tiri kuphembera kuna Yahova kuti apitirize kupasa nkhombo kuphedza kwanu ndandanda wa kumanga Nyumba za Umambo.—1 Akor. 3:6.

Abale anu,

Ofesi Ya Filiali Ya Mosambiki