Amwazi Mphangwa A Umambo Akufunika:

Ife tatambira mphangwa zakutowerera izi kubulukira ku Filiali ya ku Estados Unidos:

Banja ya Beteli yaimba manja mwakukomerwa pakumala kuperekwa cidziwiso nkati mwa kudinga lemba ya ntsiku ya N’ciposi ntsiku 4 ya nthanda ya Madzalo ya 2008. Cidziwiso cisalonga: “Pakumala kwa sumana idapita, ayang’aniri akutsogolera a mipingo yakusiyana-siyana afika kubulukira m’makhundu onsene a Estados Unidos. Cincino iwo ali ku Patterson towera agumanike pa kalasi yakutoma ya Xikola ya Akulu a Mpingo.”

Anyakupfunza akutsanzaya na uxamwali wakuwangisa na banja ya Beteli. Iwo asadinga ntsiku zonsene lemba ya ntsiku pabodzi na banja ya Beteli na N’ciposi namasiku asacitambo Pfunziro ya A Sentinela. Ntsonga ikulu ya xikola isalongwa pa ntsiku yakumalisa mu n’dzidzi wakuti nkhani zakupambulika zisacitwa na ciwalo ca Komiti ya Filiali ya Estados Unidos na ciwalo ca Mathubo Akutonga.

Akulu azinji adagumanika pa xikola ineyi alonga mafala mazinji akupereka takhuta. M’bale m’bodzi alonga: “Kukhala pa Beteli sumana ibodzi kukhali kwakuwangisa kakamwe!” Unango alemba: “Cincino ndiri wakuwangiswa towera kukwanirisa mabasa anga na phinga ipswa.” Kursu ya cincino iyi isadinga makhundu akusiyana-siyana a mabasa a ayang’aniri akutsogolera na inadzaaphedza towera kucita mwakubverana kakamwe na pinafuna mpingo. (Mach. 20:28) Tiri akukomerwa na masasanyiro anewa aufuni na tiri kudikhira abale anango anafuna kudzabwera.

Abale anu,

Ofesi ya Filiali ya Mosambiki