Pyakulonga Pa Kugawira Marevista

A Sentinela 15 de Jan.

“Kodi ndi kupi kunanyerezera imwe kuti anyakukwatana anakwanisa kugumana uphungu wakunyindirika? [Dikhirani ntawiro.] Onani kuti mbani ntomesi wa banja. [Lerini Genesi 2:22.] Mulungu asapasambo pipfunziso pya mbuto yakulemedzeka ya mamuna na nkazi. Revista iyi isafokotoza pyenepi.”

Despertai! ya Jan.

“Kodi musaona kuti anthu azinji analonga kuti ndi Akristu nkhabe kutowerera pipfunziso pya Yezu? [Dikhirani ntawiro.] Mwacitsanzo, anthu azinji nkhabe kutowezera mafala awa a Yezu. [Lerini Jwau 13:35.] Revista iyi isafokotoza kusiyana kwa pidapfunzisa Yezu na maonero a anthu azinji analonga kuti ndi Akristu.” Fungulani nsolo unatoma pa tsamba 18.

A Sentinela 1.° de Fev.

“Kodi musanyerezera kuti cisa cathu mbicidakhala mbuto yadidi munthu onsene angakwanirisa mafala awa? [Lerini Aefesi 4:25. Buluka penepo dikhirani ntawiro.] Anthu azinji asanyerezera kuti uthambi ndi wakutawirika m’njira zinango. Revista iyi isafokotoza maphindu a kulonga undimomwene nzidzi onsene.”

Despertai! ya Fev.

“M’pisa pinango makhaliro a uphemberi asaoneka ninga ali kucinja. Kodi musanyerezera kuti magereja ali kuluza kukhuya kwawo anthu? [Dikhirani ntawiro.] Mafala awa a mpostolo Paulu asapangiza thangwi yanji anthu anango aluza cinyindiro ca uphemberi. [Lerini Mach. 20:29, 30.] Revista iyi isapangiza pinalonga Biblya thangwi ya kutsogolo kwa Cikristu.”