Pinafunika Kulongwa Pa Kugawira Marevista

A Sentinela 15 de Jan.

“M’piaka pyathu pino, anthu asasaka kakamwe kudziwa pya aanju. Kodi mwatoma bvunzika kuti iwo mbani, na asakhuya tani umaso wathu? [Dikhirani ntawiro. Buluka penepo lerini Masalmo 34:7.] Revista iyi isatipanga pinalonga Biblya pya mabasa a aanju—ndulimu, m’nzidzi wathu uno na ntsogolo.”

Despertai! ya Jan.

“Lero kusagumanika uphungu wakusiyana-siyana wa pinthu pyonsene. Kodi ndi uphungu upi unafunika ife kunyindira? [Dikhirani ntawiro. Buluka penepo lerini 2 Timoti 3:16.] Revista iyi ya Despertai! Isapangiza kuti thangwi yanji tisafunika kuona Biblya ninga ncera wakunyindirika wa udziwisi wakuphata basa.” Fungulani nsolo unatoma pa tsamba 18.

A Sentinela 1.° de Fev.

“Tonsene tisafuna kobiri towera kukhala maso. Kodi musatawira kuti pana kufunika kwa kuyang’anira ngobzi inalongwa apa? [Lerini 1 Timoti 6:10, na dikhirani ntawiro.] Revista iyi ya A Sentinela isatiphedza kudzindikira misampha mingasi ya kupfuma kwaunyama na isatipangiza njira yakuti tiicalire.”

Despertai! ya Fev.

“Azinji a ife akuti ali na acibale na axamwali akukalamba asabvunzika kuti anakwanisa tani kuaphedza kupirira pinenso pya kukalamba. Kodi si tenepa tayu? [Dikhirani ntawiro.] Revista iyi isatipanga pinthu pyakuti tingakwanise kupicita towera kucitisa akukalamba kululupirwa. Isafokotozambo njira inafuna kudzakwanirisika profesiya iyi.” Lerini Yobe 33:25.