Pinafunika Kulongwa Pa Kugawira Marevista

A Sentinela 15 de Fev.

“Khala musafuna kusankhula munthu mbodzi kuti atonge dziko, kodi mbumudasankhula ani? [Dikhirani ntawiro.] Revista iyi ya A Sentinela isalonga kuthema kwa Mesiya, ule adasankhula Mulungu kuti atonge dziko yapantsi. Isafokotozambo kuti utongi wace unadzabvekanji kwa anthu.” Lerini Izaiya 9:6, 7.

Despertai! ya Fev.

“Lero alipo alungu azinji analambirwa na anthu. Mbwenye, onani pidalonga Yezu m’phembero pya Babace wakudzulu. [Lerini Jwau 17:3.] Khala alipo Mulungu mbodzi basi wandimomwene, tinalonganji mphapo pya alungu anango onsene? [Dikhirani ntawiro.] Nsolo uyu usapasa maonero a Biblya.” Fungulani nsolo unagumanika pa matsamba 28-9.

A Sentinela 1.° de Mar.

“Anthu azinji asatawira kuti tisafunika kufunana unango na nzace, ninga mudalonga Yezu m’lemba iyi. [Lerini Jwau 13:34, 35.] Kodi ndi kupi mphapo kunafuna ife kugumana anthu anaphatisira pipfunziso pya Yezu m’umaso wawo? [Dikhirani ntawiro.] Revista iyi isalonga kuti tinakwanisa tani kudzindikira Akristu andimomwene lero.”

Despertai! ya Mar.

“Kufuna ndi kwakufunika towera titsanzaye na kukhala mwadidi. Mbwenye, kwa anthu azinji, kufuna kwandimomwene ndi kwakunensa kukugumana. Thangwi yanji pinthu piri tenepa? [Dikhirani ntawiro.] Cinthu cibodzi towera kugumana kufuna kwandimomwene ndi kupfunza kupangiza kufuna anango mwakukhonda dikhira maphindu. Revista iyi isalonga pinaphatanizwa m’pyenepi.” Lerini 1 Akorinto 13:4-7.