Kodi Munaphatisira Tani Umaso Wanu?
1 M’midzidzi inango anapiana asabvunzwa: “Kodi usafuna kukhala ani ukakula? Mukhakhala imwe kamphale, kodi mukhanyerezera kuti munadzakhala makang’ombe? bombero? muyang’aniri wa cisa? Peno ninga kantsikana, kodi mukhanyerezera kuti munadzakhala nyakubvina? nkonzi? misionaryo? Cincino ninga nkulu, musafunika kucitika mbvunzo unango: ‘Kodi ndinaphatisira tani umaso wanga?’ Kodi muli wakukhunganyika towera kusankhula?
2 Towera kukuphedzani kucita cisankhulo cadidi kakamwe, gulu ya Yahova yacita DVD yakuti Os Jovens Perguntam— O Que Fazer da Minha Vida? (Aphale na Atsikana Akubvunza Kodi Ndinaphatisira Tani Umaso Wanga?) Taphata miendo ioneni, na nyerezerani mwacidikhodikho pyonsene pinagumanika mwenemo, kuphataniza drama, mabvunzo na matawiro, na mphangwa zakuthimizira. Pyankati mwace pisagumanika m’bokosi yakuti Menu Principal.
3 Drama (Iniciar o drama): Munaona imwe drama, dingani mabvunzo awa: (1) Pali kulandana kwanji pakati pa Timoti, analongwa m’Malemba Acigerego Acikristu na Andre? (Mach. 16:1; 1 Tim. 4:8; 2 Tim. 1:5) (2) Kodi Andre akakamizwa tani towera kukhala na mbiri m’mapika akuthamanga, na akakamizwa na ani? (3) Kodi mbani adapangiza kukhala xamwali wadidi kwa Timoti na Andre, na m’njira zipi? (2 Tim. 1:1-4; 3:14, 15) (4) Kodi cenjezo inagumanika pa Mateo 6:24 na Afilipi 3:8 yakhuya tani Andre, na pyenepi pisakukhuyanimbo tani?
4 Makhundu Akusankhulwa (Cenas selecionadas): Pakumala kuona drama yonsene, bwerezerani makhundu akutowerera awa, na tawirani mabvunzo awa. “Paulo e Timóteo”: Kodi cenjezo yakumalisa ya Paulu kwa Timoti ikhali ipi? (2 Tim. 4:5) “Dê o seu melhor a Jeová”: Kodi ndi pifuno pyauzimu pya ntundu upi piri na imwe? “Tome o lado de Jeová”: Kodi kutsanzaya kwandimomwene kusabuluka kupi? “Conselho da avó”: Kodi cakudawika ndi ninji m’kufuna kukhala munthu wa mbiri m’dziko ya Sathani? (Mat. 4:9) “Sem arrependimentos”: Kodi ndi ninji cinafuna kukuphedzani kukhala na umaso wadidi?—Mis. 10:22.
5 Mabvunzo Na Matawiro (Entrevistas): Munaona imwe makhundu akutowerera awa, kodi musanyerezera kuti mungakwanise kucitanji towera kupasa Yahova pinakwanisa imwe? (1) “Dedicação a empenhos fúteis ou a Deus?” (1 Jwau 2:17); (2) “Aprenda a gostar do ministério” (Sal. 27:14); na (3) “Uma porta aberta para o serviço.”—Mat. 6:33.
6 Kukumbuka Pya Nduli (Relembrando): Kodi munakwanisa kutawira? (1) Kodi abale na alongo asasaka kucita mabasa api m’umaso wawo, na thangwi yanji? (2) Kodi iwo apembera mpaka papi? (3) Kodi umaso wa m’bodzi na m’bodzi wa iwo wakhala na macinjo api? (2 Akor. 5:15) (4) Kodi ndi mabasa api Aumulungu adapitira mbuto mabasa awo akale a umaso, na thangwi yanji iwo asaona kuti nee mbadakwanisa kucita mabasa mawiri ene? (5) Kodi iwo asandikika thangwi ya kucinja pinthu pikhaikha iwo pa mbuto yakutoma m’umaso? (6) Kodi ndi ninji pidalonga iwo pyakuti pyakucitisani kunyerezera pinafuna cita imwe na umaso wanu?
7 Mabvunzo Na Matawiro Akuthimizira (Entrevistas adicionais): M’mabvunzo na matawiro anewa, kodi ndi ninji pidapfunza imwe pyakuti mungakwanise kupiphatisira towera kuphata basa mwakukwana m’utumiki wa Yahova? (1) “A importância do estudo pessoal”, (2) “Formas alternativas de testemunho”, (3) “Serviço de Betel”, (4) “Treinamento missionário em Gileade”, na (5) “Escola de Treinamento Ministerial”. Bwerezerani “Índice de informações publicadas sobre assuntos relacionados”, na lerini mphangwa zizinji zinalonga pinthu pinafuna imwe.
8 Mphapo mwasankhula pinafuna cita imwe na umaso wanu? Paulu adembetera Timoti: “Pyenepi upinyerezere, mbupikumbukira towera makhaliro a mu ntima mwako aonekere pa maso pa anthu onsene.” (1 Tim. 4:15) Tisakudembeterani kuti mucitembo mwakubverana na pidaona na pidabva imwe mu DVD iyi. Phembani Yahova kuti akuphedzeni kuti mucite cisankhulo cadidi cakuti cinadzakupasanidi citsanzayo na maphindu m’umaso wanu pabodzi na nkhombo cincino na tsogolo yakutsanzayisa.
MENU PRINCIPAL
Iniciar o drama
Cenas (11 seleções)
Entrevistas
Iniciar todas
Seções (3 seleções)
Relembrando
Matéria adicional
Entrevistas adicionais
Índice de informações publicadas sobre assuntos relacionados
Legendas
Deficientes auditivos
Nenhuma
Para navegar entre os menus use os botões Próximo ▶, ◀ Volta e Menu Principal.