Amwazi Mphangwa A Umambo Akufunika:

Tiri akukomerwa kuona kwenda kutsogolo kwa basa mu cisa ca filiali ya Mosambiki nkati mwa caka ca basa ca 2007! Anthu akukwana 225.538 agumanika pa nkhani ya mu ndzidzi wa Cakudya Cancidodo Ca Mbuya, pyenepi pisapangiza kuti pakhala kuthimizirika kwa mapurusentu 17 kupiringana adagumanika caka cidamala. Munakhala wakukomerwambo kudziwa kuti makopya akukwana 1.053.607 a Mphangwa Za Umambo N.° 37, “Kumala Kwa Uphemberi Waunthawatawa Kuli Cifupi!” agawiwa mu cisa consene ca filiali ya Mosambiki.

Kutomera nthanda ya Nyenzi ya 2007, Utumiki Wathu Wa Umambo unadzagumanika mu cilongero ca Citshwa. Amwazi mphangwa analonga cilongero ceneci, anakwanisa kukhunganyika na kuphindula mwakukwana na Nsonkhano Wa Basa. Mwakuthimizira, pakupita nthanda ziwiri tsamba ya “Kubwerezera Kwa Xikola Ya Utumiki Wa Mulungu” inadzatumizwa pabodzi na Utumiki Wathu Wa Umambo mu cilongero ceneci. Mu njira ineyi onsene anadzaphindula kakamwe na misonkhano.

Yahova akupasambo nkhombo basa ya ale analonga cilongero ca manja. Pa ndzidzi uno misoka minai iri na amwazi mphangwa akukwana 23, abatizwa 8 na 2 akutumikira ninga apainiya a ndzidzi onsene. Tendeni ticite pyonsene pinakwanisa ife towera tiphedze anthu azinji anewa akukhonda kubva mu cisa cathu.

Programu yakumanga Nyumba za Umambo ikupitirizambo kuenda kutsogolo, cincino zamala kumangwa Nyumba za Umambo zakukwana 521. Munafendedzera ntsiku ya Yahova, tiri akukomerwa kakamwe kuphata basa mwakubverana pabodzi na imwe.—Sof. 1:14.

Abale anu,

Ofesi Ya Filiali Ya Mosambiki