Pyakulonga Pa Kugawira Marevista

A Sentinela 15 de Set.

“Ndisafuna kudziwa maonero anu a pinalonga lemba iyi. [Lerini Deuteronomyo 32:4.] Kodi mwatoma kale kubvunzika kuti thangwi yanji pa dziko yapantsi pana nyatwa zizinji na uipi uzinji khala Mulungu ndi wamphambvu zonsene na waulungami? [Dikhirani ntawiro.] Revista iyi isafokotoza kuti thangwi yanji Mulungu alekerera uipi kupitiriza mpaka mu ntsiku zathu zino.”

Despertai! ya Set.

“Azinji a ife asafuna ungumi wadidi na kukhala maso piaka pizinji. Kodi imwe musanyerezera kuti kukhala na maonero adidi kungakwanise kulungamisa ungumi wathu? [Dikhirani ntawiro. Buluka penepo lerini Misangani 17:22.] Nsolo uyu usafokotoza kuti thangwi yanji nkhaliro wakukhala na cidikhiro cadidi ndi wakufunika kuukulisa.” Gomezerani nsolo uli pa tsamba 26.

A Sentinela 1.° de Out.

“Kodi mwatoma kale kunyerezera kuti, ‘Mbindidadziwa mbindidacita tayu pinthu mu njira iyi!’? [Dikhirani ntawiro.] Onani pinalongwa pa lemba iyi pinapangiza kuti thangwi yanji ife tonsene m’midzidzi inango tisacita pisankhulo pyakuti patsogolo pace tisasandikika napyo. [Lerini Yeremiya 10:23.] Revista iyi isafokotoza kuti uphungu wakuphata basa unagumanika m’Biblya unatiphedza tani kucita pisankhulo pyadidi.”

Despertai! ya Out.

“Kodi imwe musanyerezera kuti ndi kwakugopswa kakamwe kwa anapiana cincino kupiringana kalene? [Dikhirani ntawiro.] Anthu azinji asadziwa kuti tikukhala mu ndzidzi unafokotozwa apa. [Lerini 2 Timoti 3:1-5.] Revista iyi isapereka maonero akuphata basa akuti anyakubala anakwanisa tani kutsidzikiza anawo kwa anthu anasaka kupita nawo m’mabonde mu njira yakuipa.”