Pyakulonga Pa Kugawira Marevista

A Sentinela de Set.

Longani cakucitika cipswa cakuti ndi cakudziwika na anthu onsene. Buluka penepo bvunzani: “Kodi vesi iyi ya Biblya iri kulongadi pya midzidzi yathu ino? [Lerini 2 Timoti 3:1, na dikhirani ntawiro.] Revista iyi isadinga pinthu pinapangiza kuti tiri kukhala m’ntsiku zakumalisa na isapangizambo pinafunika ife kucita.”

Despertai! ya Set.

“Anthu azinji asalonga kuti ife tacitwa. Anango asalonga kuti tasanduka. Kodi maonero anu ndi api? [Dikhirani ntawiro.] Onani maonero awa anatiphedza kufika pa mamalisiro adidi. [Lerini Yobe 12:7, 8.] Revista iyi yakupambulika ya Despertai! isapangiza pinthu pyakuti tingakwanise kupipfunza kubulukira ku udziwisi na ku pyakucitwa pinaoneka pa dziko yapantsi.”

A Sentinela 1.° de Out.

“Anyakupfunza pinthu pya umaso asayesera kumalisa matenda na kulaphisa umaso wathu. Kodi musaona kuti pyenepi pinadzaticitisa kukhala maso kwenda na kwenda? [Dikhirani ntawiro.] Onani cinaticitisa nzidzi onsene kufuna kukhala maso kwenda na kwenda. [Lerini Koelete (Mlaliki) 3:11, Tradução do Novo Mundo.] Revista iyi isafokotoza thangwi yanji Mulungu aticita na cifuno ca kukhala maso kwenda na kwenda.”

Despertai! ya Out.

“Cifupi na anthu onsene asakomerwa kuona televizau. Kodi tisafunika kusankhula pinaona ife? [Dikhirani ntawiro. Buluka penepo lerini Misangani 13:20.] Revista iyi isalonga kuti televizau ingakwanise tani kutikhuya, na isapasa maonero a kusakhula pinaona ife.”