Pyakulonga Pa Kugawira Marevista

A Sentinela 15 de Out.

“Anthu azinji asanyerezera kuti kutsogolo si kwakunyindirika tayu ndi thangwi yace ndi pyadidi kukhala na umaso wa lero basi. Kodi imwe musanyerezera tani? [Dikhirani ntawiro.] Yezu alonga thangwi ya pyenepi mu njira iyi yadidi. [Lerini Mateo 6:34.] Revista iyi isafokotoza kuti tinakwanisa tani kutsalakana kutsogolo mbwenye mu ndzidzi ubodzi ene mbitikhonda kukhala akudzudzumika kakamwe thangwi ya pyenepi.”

Despertai! ya Out.

“Ife tonsene taluza anyakufunika athu thangwi ya kufa. Kodi imwe musanyerezera kuti iwo asationa kubulukira kudzulu? [Dikhirani ntawiro.] Onani pidalonga Yezu mu ndzidzi udafa Lazaro. [Lerini Jwau 11:11.] Nsolo uyu usafokotoza khala anyakufa ali maso ku mbuto inango peno ali kugona mbakadikhira kulamuswa muli akufa.” Gomezerani nsolo unatoma pa tsamba 28.

A Sentinela 1.° de Nov.

“Kodi imwe musanyerezera kuti dziko mbidakhala mbuto yadidi anthu mbadakhala akucepeseka kakamwe? [Dikhirani ntawiro.] Onani pidalonga Yezu thangwi ya n’khaliro unoyu. [Lerini Mateo 23:12.] Nsolo uyu usalonga kufunika kwa kukulisa kucepeseka, ngakhale mu dziko ino yamapika.”

Despertai! ya Nov.

“Mu ndzidzi wakale, anthu kazinji kene akhanyindira citsogolero ca Biblya. Mbwenye cincino azinji asalonga kuti asaipenula. Kodi imwe musanyerezerambo tani? [Dikhirani ntawiro. Buluka penepo lerini 2 Timoti 3:16.] Despertai! iyi yakupambulika isapereka cipangizo cakunyindirika cakuti Biblya ndi yakupumirwa na Mulungu.”