Pyakulonga Pa Kugawira Marevista

A Sentinela 1.° de Nov.

“Imwe musanyerezera kuti amuna na akazi akumanga banja mbadaphatisira uphungu uyu wa Bhibhlya, mbadakwanisa kuwangisa uxamwali wawo wa banja? [Lerini Yobe 31:1. Buluka penepo dikhirani ntawiro.] Nsolo uyu usadinga midida ya Bhibhlya yakuti inakwanisa kuphedza anyakumanga banja kupitiriza kukoya phangano ya kumanga kwawo banja.” Gomezerani nsolo unatoma pa tsamba 18.

Despertai! ya Nov.

“Anthu azinji asatawira kuti mpfuma za m’bara ziri kumala mu njira yakudzumisa. Imwe musanyerezera kuti mautongi a anthu anadzapembera mu kumalisa nyatwa ineyi? [Dikhirani ntawiro. Buluka penepo lerini Mateo 6:10.] Nsolo uyu usafokotoza mathangwi mangasi anacitisa anthu kukhala akudzudzumika na usalonga kuti Mulungu anamalisa tani nyatwa ineyi.” Pangizani nsolo unatoma pa tsamba 20.

A Sentinela 1.° de Dez.

“Mu n’dzidzi uno wa caka, anthu azinji asanyerezera Yezu. Ndi kukhuiwa kupi kwakuti munakwanisa kukulonga kudakhala na imwe thangwi ya Yezu? [Dikhirani ntawiro.] Bhibhlya isatiwangisa towera titowezere citsanzo ca Yezu. [Lerini 1 Pedro 2:21.] Kucita pyenepi kunakwanisa kuticitisa kukhala anthu adidi na akutsanzaya. Revista iyi isafokotoza thangwi yanji.”

Despertai! ya Dez.

“Anthu akunyerezera mwacidikhodikho mbvunzo uyu m’pyaka pizinji. [Pangizani mbvunzo pa tsamba yakutoma.] Ndi kupi kunanyerezera imwe kuti tinakwanisa kugumana ntawiro wakuphindulisa? [Dikhirani ntawiro.] Onani kuti thangwi yanji tinakwanisa kunyag’ana kwa Mulungu towera kutitawira. [Lerini Masalmo 100:3.] Revista iyi isapangiza pinalonga Bhibhlya pa ntsonga ineyi.”