Pyakulonga Pa Kugawira Marevista

A Sentinela 15 de Dez.

“M’nzidzi uno wa caka, anthu azinji asanyerezera mphangwa zidaperekwa na aanju za kubalwa kwa Yezu. [Lerini Luka 2:14.] Kodi musanyerezera kuti pa dziko yapantsi panadzaonekadi ntendere? [Dikhirani ntawiro.] Revista iyi isafokotoza kuti mokhonda dembuka Yezu anabweresa tani ntendere pa dziko yapantsi.”

Despertai! ya Dez.

“Pana kuthimbana kwa maonero a mauphemberi thangwi ya kuphatisira pyakumwa pyakuledzeresa. Kodi musanyerezera kuti Mulungu asapibva tani thangwi ya kuphatisirwa kwapyo? [Dikhirani ntawiro.] Maseze cirengo cakutoma ca Yezu cikhali kuphinduza madzi kubwera vinyu, Biblya isapasambo cenjezo iyi. [Lerini Misangani 20:1.] Nsolo uno usafokotoza maonero akulinganira a Biblya a pinthu pyenepi.” Fungulani nsolo unatoma pa tsamba 18.

A Sentinela 1.° de Jan.

“Kodi musanyerezera kuti kupembera kwa munthu kusabwera na kuinjipa kwa mpfuma ziri na iye? [Dikhirani ntawiro. Buluka penepo lerini 1 Timoti 6:9, 10.] Maseze Biblya nkhabe khondesa kobiri, iyo nkhabe pangiza kuti kupembera kwandimomwene kusanyindira mpfuma. Revista iyi isafokotoza pyenepi.”

Despertai! ya Jan.

“Kodi musanyerezera kuti tinadzaona kukwaniriswa kwa ipi? [Lerini Izaiya 33:24. Buluka penepo dikhirani ntawiro.] Revista iyi isafokotoza pinakwanisa kucita ukonzi wa siyensiya na pikiro ya Biblya inadzakwaniriswa tani.”