Pyakulonga Pa Kugawira Marevista

A Sentinela 15 de Nov.

“Na kuinjipa kwa kukhonda kuona ntima m’dziko, anthu anango asabvunzika: ‘Thangwi yanji ndisafunika kuwangisira kucita pinthu pyadidi?’ Kodi mwatoma kubvunzika kale tenepa? [Dikhirani ntawiro.] Onani mafala awa akuwangisa. [Lerini Masalmo 37:10.] Revista iyi isafokotoza thangwi ikulu kakamwe ya kufunika kukhala wakulungama.”

Despertai! ya Nov.

“Anthu anango asanyerezera kuti Mulungu ndi ncitisi wa pinthu pyonsene pinaoneka. Pangaoneka cidengwa, iwo asalonga kuti Mulungu ali na mathangwi adidi a kucita pyenepi. Kodi musaona tani? [Dikhirani ntawiro. Buluka penepo lerini Tyago 1:13.] Revista iyi isapangiza pinalonga Biblya thangwi ya kunenseka na Mulungu ali kucitanji towera kumalisa pyenepi.”

A Sentinela 1.° de Dez.

“Kodi musanyerezera kuti profesiya iyi ya Biblya iri kukwanirisika lero? [Lerini Mateo 24:11. Buluka penepo dikhirani ntawiro.] Revista iyi isadinga pipfunziso pingasi pidakhala pyakudzoloereka lero. Iyo isapangizambo kuti tinacalira tani kupeuswa na pipfunziso pyaunthawatawa.”

Despertai! ya Dez.

“Kodi mungakwanise kusankhula ani ninga munthu wankulu kakamwe adakhalapo? [Dikhirani ntawiro.] Anthu azinji asaona Yezu ninga munthu wankulu kakamwe. Onani pinafuna iye kudzacitira dziko yapantsi ninga Mambo wa Umambo wa Mulungu. [Pangizani cithunzithunzi cinagumanika pa tsamba 8-9, na lerini lemba ibodzi mwa adagomezerwa.] Revista iyi isalonga kuti ndi lini na ndi m’njira ipi Yezu anadzakwanirisa pyenepi.”