Pyakulonga Pa Kugawira Marevista

A Sentinela 15 de Dez.

“Nkati mwa ndzidzi wa firiyadu, anthu azinji asawangisira towera kupangiza udidi na ntsisi. Kodi imwe musanyerezera kuti dziko yapantsi mbidakhala mbuto yadidi anthu mbadapangiza ntsisi mu ndzidzi onsene wa caka? [Dikhirani ntawiro. Buluka penepo lerini 1 Pedro 3:8.] Revista iyi isafokotoza kufunika kwa ntsisi na isalonga njira zingasi zakuphata basa zakuti ife tinakwanisa tani kupangiza ntsisi.”

Despertai! ya Dez.

“Kodi imwe musanyerezera kuti anyakufunika athu adafa anadzakhala pontho na umaso? [Dikhirani ntawiro.] Biblya isalonga kuti anadzalamuka muli akufa. [Lerini Masalmo 68:20.] Revista iyi isapangiza kuti thangwi yanji ife nkhabe funika kugopa kufa ninga kumaliratu kwa umaso.”

A Sentinela 1.° de Jan.

“Anthu azinji asaphembera kuti Umambo wa Mulungu udze. Mwacitsanzo, onani phembero iyi ya Yezu yakudziwika kakamwe idapfunzisa iye atowereri ace. [Lerini Mateo 6:9, 10.] Kodi imwe mwatoma kale kubvunzika kuti Umambo unoyu ndi ninji na kuti unadza lini? [Dikhirani ntawiro.] Revista iyi isapangiza pinalonga Biblya thangwi ya ntsonga ineyi.”

Despertai! ya Jan.

“M’mbiri yonsene ya athu, akazi asathabuka thangwi ya tsankhu na usumankha. Kodi imwe musanyerezera kuti pyenepi pisacitika thangwi yanji? [Dikhirani ntawiro.] Onani kuti Biblya isapfunzisa amuna kuti anatsalakana tani akazi awo. [Lerini 1 Pedro 3:7.] Revista iyi isapangiza kubulukira m’Biblya kuti Mulungu na Kristu asaona tani akazi.”