Pyakulonga Pa Kugawira Marevista

A Sentinela 15 de Nov.

“Ife tonsene tisafuna kukhala na umaso wakutsanzayisa na wakuphindulisa. Kodi imwe musatawira pidalonga Yezu pano kuti ndi pinacitisa kutsanzaya? [Lerini Mateo 5:3. Buluka penepo dikhirani ntawiro.] Revista iyi isafokotoza kuti umaso unakhala wakuphindulisa tani tingakwanirisa cifuniro cathu cacibaliro ca kulambira Mulungu.”

Despertai! ya Nov.

“Mu ndzidzi uno wa siyensiya na wa kupenula kukhalapo kwa Mulungu, anthu azinji asanyerezera kuti Biblya si yakunyindirika tayu. Kodi imwe musaonambo tani pyenepi? [Dikhirani ntawiro.] Kodi musadziwa kuti pyonsene pinalonga Biblya thangwi ya siyensiya ndi pyakulinganira? [Lerini Yobe 26:7.] Despertai! iyi yakupambulika isapereka mathangwi anacitisa Biblya kukhala yakuthema kunyindirwa.”

A Sentinela 1.° de Dez.

“Kodi mbumutawira tani mbvunzo uyu? [Lerini mbvunzo uli kunja kwa revista. Buluka penepo dikhirani ntawiro.] Ndi cifuniro ca Mulungu kugumanya mitundu yonsene ya anthu. [Lerini Masalmo 46:8, 9.] Revista iyi isapangiza pinalonga Biblya thangwi ya ubodzi unoyu kuti unakwanisika tani.”

Despertai! ya Dez.

“Anango asanyerezera kuti kufa ndi muratho unacitisa munthu kukhala na umaso kumbuto inango; anango asakhulupira kuti ndi kumala kwa pyonsene. Kodi imwe musanyerezera kuti tisafunika kugopa kufa? [Dikhirani ntawiro.] Onani kuti Yobe apibva tani thangwi ya cidikhiro cace ca kufa. [Lerini Yobe 14:14,15.] Revista iyi isapereka mafokotozero adidi kakamwe a Biblya a pinacitika tingafa.”