Basa Ikulu Kakamwe Ya Kumwaza Mphangwa Yakuti Ikhadzati Kucitwa Pa Dziko Yapantsi!

M’piaka pyakupiringana 100, Mboni za Yahova zakhala zakukhunganyika towera kumwaza mphangwa zadidi. (1 Akor. 9:23) M’basa ineyi ikulu kakamwe ya kumwaza mphangwa yakuti ikhadzati kucitwa pa dziko yapantsi, ife tisalonga mphangwa zenezi m’pilongero pizinji kakamwe. Na ife tisazimwaza m’madziko akupiringana 230. (Mat. 24:14) Mbwenye thangwi yanji basa ineyi ndi yakufunika? Kodi iyo isacitwa tani pa dziko yonsene yapantsi?

Vidyu yakuti Testemunhas de Jeová— Organizadas para Pregar as Boas Novas isatawira mabvunzo anewa mu kupereka unyomonyomo wakusiyana-siyana wa mabasa athu anacitwa pa dziko yonsene yapantsi. Munaiona imwe, dingani mabvunzo awa: (1) Kodi basa yathu isakhunganywa na isatsogolerwa tani? (2) Kodi Madepartamentu a Kulemba, Basa Yakuthumburuza, Yakucita Pithunzithunzi, na Yakucita Makasete Akubvesera na a Vidyu asaphedza tani towera kumwaza mphangwa zadidi? (3) Kodi ndi cipi cifuniro ca kudindwa na kugawirwa kwa mabukhu athu mazinji? (Jwau 17:3) (4) Kodi ndi akuinjipa tani mabukhu anadindwa pa caka? (5) Kodi mabukhu athu anafokotoza Biblya ali na cifuniro canji? (Aheb. 4:12) (6) Kodi ndi ninji cinacitwa towera kupereka ciphedzo cauzimu kwa ale akuti ali na nyatwa ya kubva peno ya kuona? (7) Kodi basa yathu isaphedzwa tani? (8) Kodi tisaphindula tani na basa Yakupita N’cibverano Na Nyumba Za Ungumi, Departamentu Yakuyang’anira Basa, na Departamentu Yakuyang’anira Misonkhano ya Gawo? (9) Ninga m’bodzi wa Mboni za Yahova, kodi vidyu ineyi yathimizira tani kupereka kwanu takhuta ku (a) kuwangisira kunacita gulu ya Yahova towera kumwaza mphangwa zadidi? (b) Maofesi a filiali akupiringana 100 kuzungulira dziko yonsene yapantsi? (c) cipfunziso cinapaswa ayang’aniri na amisionaryo? (d) kufunika kwa kutoma ntsiku ibodzi na ibodzi na lemba ya Biblya na kukhunganya misonkhano ya mpingo ya sumana na sumana? (e) maphindu a kugumanika kwathu pa misonkhano Yacikristu? (f) kudziwa kuti paradizu pa dziko yapantsi inadzabvekanji? (Iza. 11:9) (g) kucita kwanu khundu m’basa ya kubvuna yakuti iri kuenda kutsogolo?—Jwau 4:35.

Kodi ndi maphindu api adidi adakhala na imwe pidapangiza imwe vidyu ineyi kwa acibale anu, anyakudziwana nawo, anthu anacitira imwe maulendo akubwereza na kwa anyakupfunza Biblya? Thangwi yanji nkhabe kuonesa vidyu ineyi na kumwaza mphangwa zadidi kwa anango mwakukhonda dembuka?—Mat. 28:19, 20.