Khala Imwe Musafuna Mabukhu A Cilongero Cakunja Mwakucimbiza

M’midzidzi inango tisagumana anthu anafuna kuleri mabukhu athu mu cilongero cakunja akuti nkhabemo m’mpingo mwathu. Musadziwa kuti khala muli na Interneti na ntcini wa kudinda, munakwanisa kudinda mwekhene mabukhu mu pilongero pyakukwana 400? Citani tenepa:

• Ndokoni ku www.watchtower.org, Web site yathu yakudziwika.

• Khundu ya nkono wa madyo pa tsamba yakutoma pana ndandanda wa pilongero. Pfinyani cithunzithunzi ca dziko yapantsi towera kuona pilongero pyonsene pinagumanika.

• Pfinyani cilongero cinafuna imwe. Panafungulwa tsamba inakupangisani mabukhu akuti munakwanisa kuadinda, ninga katsamba, mabruxura na misolo inango. Nakuti tsamba ineyi yalembwa mu cilongero cidasankhula imwe, lekani kudzudzumika khala nkhabe kwanisa kudzindikira misolo ya mabukhu.

• Pfinyani bukhu inafuna imwe. Zinadzaoneka mphangwa pa ntcini wanu wanzeru na buluka penepo munakwanisa kuzidinda mu kuphatisira cidzindikiro ca ntcini wakudinda cinaoneka pa tsamba idafungula imwe.

Web site yathu iri na mabukhu akucepa basi; mabukhu mazinji asagumanika kubulukira m’mpingo. Tingaona kuti munthu ali na cifuno, mphyadidi kuphemba mabukhu kubulukira pa mpingo.