Web Site Yathu Yakudziwika—Iphatisireni Mu Utumiki Wanu
Kulumizani Anthu Toera Kuphatisira Web Site: Anthu anango anacalira kucedza na ife peno kutambira mabukhu ali akufunisisa kusaka kudziwa Mboni za Yahova mu kuphatisira jw.org m’manyumba mwawo. Natenepa dziwisani anango pya Web site pa ndzidzi onsene wakuthema.
Tawirani Mibvundzo: M’midzidzi inango, mwanaciro nyumba, munthu adapangiza cifuno, peno ale anadziwana na ife anadzacita mbvundzo thangwi ya Mboni za Yahova peno pikhulupiro pyathu. Mpangizeni ntawiro mwakukhonda dembuka mu kuphatisira ntokodzi peno ntcini wandzeru. Kazinji kene mphyadidi kuti lemba idaikhwa muileri m’Bhibhlya. Khala nee muli na ntokodzi peno ntcini wandzeru wakuti usaphatisira Interneti, mpangizeni kuti anaphatisira tani jw.org toera agumane ekhene ntawiro wa mbvundzo wace.—Fungulani pa “Ensinos Bíblicos/Perguntas Bíblicas Respondidas,” peno “Quem Somos/Perguntas Frequentes.”
Tumizani Nsolo Peno Bukhu Kuna Munthu Anadziwa Imwe: Kopyarini tsamba ya PDF peno EPUB idacita imwe download mbumuitumiza kuna munthu anafuna imwe mu kuphatisira e-mail. Peno citani download ya audio ya bukhu mu CD. Ndzidzi onsene unatumiza imwe bukhu yonsene, bruxura, peno revista kuna munthu wakukhonda batizwa mu kuphatisira Interneti, munakwanisa kuilengesa ninga mwaigawira m’basa ya m’munda. Mabukhu anewa nee asafunika kutumizwa mwakukhonda kupangiza dzina ya munthu adaatumiza, peno ntsama izinji. Pontho nee asafunika kuikhwa mu Web site zinango.—Fungulani pa “Publicações.”
Pangizani Mphangwa Zipswa Zinalonga Pya Mboni Za Yahova: Pyenepi pinadzaphedza anyakupfundza Bhibhlya na anango anacedzera imwe toera kupasa ntengo kukula kwa basa yathu ya dziko yonsene na kuphatana kwathu Kwacikristu. (Sal. 133:1)—Fungulani pa “Notícias.”
[Cithundzithundzi pa tsamba 5]
Citani Ipi
1 Pa “Publicações” sakani bukhu inafuna imwe kucita download, pontho pfinyani pa butau toera kucita ntundu unafuna imwe wa malemba [texto] peno audio.
2 Pfinyani pa butau ya MP3 toera kuona nsolo ubodzi na ubodzi. Pfinyani pa nsolo toera kuucita download peno toera kuubvesera mu Interneti.
3 Sankhulani cilongero cinango pa ndandanda uyu khala musafuna kucita download ya bukhu mu cilongero ceneci.