Web Site Yathu Yakudziwika—Iphatisireni Pa Pfundziro Ya Munthu Paekha Na Ya Banja
Lerini Marevista Mapswa Mu Interneti: Lerini A Sentinela na Despertai! mu Interneti m’masumana mazinji mbadzati kutambirwa makopya akudhindwa pa mpingo. Bveserani audio ya marevista akugravarwi.—Fungulani pa “Publicações/Revistas.”
Lerini Basi Ene Mphangwa Zinagumanika Pa Web Site: Mphangwa zinango za misolo ninga “Para os Jovens,” “Minhas Lições da Bíblia,” “Para Considerar em Família,” “Os Jovens Perguntam,” cincino zisagumanika mu Web site yathu. Fungulani pa On-Line, na dingani misolo ineyi pa pfundziro yanu peno ya banja.—Fungulani pa “Ensinos Bíblicos/Crianças, peno “Ensinos Bíblicos/Adolescentes.”
Onani Mphangwa Zipswa: Lerini malipoti na pyakugumana napyo pyakuwangisa, pontho onani mavidyu anapangiza kuthambaruka kwa basa yathu mu dziko yonsene. Malipoti analonga thangwi ya pidengwa na kutcingwa anakwanisa kutiphedza kulonga pinthu pinakhuya abale athu pakucita maphembero. (Tgo. 5:16)—Fungulani pa “Notícias.”
Sakani Mphangwa Mu Kuphatisira Biblioteca On-Line: Khala mabukhu anewa asagumanika mu cilongero canu, phatisirani ntokodzi wanu peno ntcini wanu wandzeru toera kuleri lemba ya ntsiku mu Interneti peno toera kusaka mphangwa m’mabukhu athu mapswa.—Fungulani pa “Publicações/Biblioteca On-Line,” peno lembani www.wol.jw.org pa mbuto yakusaka mafala mu ntcini wanu.
[Cithundzithundzi pa tsamba 4]
Citani Ipi
1 Pfinyani pa foto peno pa “Download”. Foto isabuluka mu tsamba ya PDF. Dhindani na phatisirani tsamba idadhinda imwe ninga mphangwa zinafuna kupfundza mwananu.
2 Pfinyani “Play” toera kuona vidyu.