Bhibhlya—Mbiri Yakulinganira, Maprofesiya Akunyindirika
Kodi ndi pidzindikiro pipi pinapangiza kuti Bhibhlya ndi mbiri yakulinganira? Kodi ndi maprofesiya api a m’Bhibhlya adakwanirisika anatipasa cinyindiro cakuti maprofesiya antsogolo anadzakwanirisikambo? Mibvunzo ineyi isatawirwa mu nsolo wakuti A Bíblia—História Exata, Profecias Confiáveis. Ineyi ndi khundu yacitatu inagumanika mu DVD yakuti A Bíblia—Um Livro de Fatos e Profecias. Pakumala kuona vidyu ineyi, kodi munakwanisa kutawira mibvunzo iyi?
(1) Kodi mbani Mwanaciro wa mphangwa zakunyindirika za m’Bhibhlya? (Dan. 2:28) (2) Kodi Bhibhlya isalonga tani mwakulinganira thangwi ya Ejito wakale, na kodi profesiya inagumanika pa Izaiya 19:3, 4 yakwanirisika tani? (3) Kodi basa ya kukumba isapangiza tani kuti pinalonga Bhibhlya thangwi ya Aasirya, amambo awo na kumala kwa dziko ya Asirya ndimomwene? (Nah. 3:1, 7, 13) (4) Kodi ndi maprofesiya api akulonga pya Babilonya akuti akwanirisika? (Yer. 20:4; 50:38; 51:30) (5) Kodi ndi profesiya ipi yakulonga thangwi ya Medya na Persya yakuti yakwanirisika? (Iza. 44:28) (6) Kodi Danyele 7:6 na 8:5, 8 yakwanirisika tani mukulonga pya Gresya? (7) Kodi Danyele 7:7 yakwanirisika tani mu ndzidzi wakuti Roma akhali ntongi wa dziko? (8) Kodi ndi api a Sezari analongwa m’Bhibhlya? (9) Kodi ndi ninji pidacitikira Akristu pantsi pa utongi wa Nero? (10) Kodi maprofesiya anagumanika pa Apokalipse 13:11 na 17:10 akwanirisika tani? (11) Kodi ndi cipi cidzindikiro ca mambo wacisere? (12) Kodi ndi pinthu pipi mu vidyu pinapangiza undimomwene wa Koelete 8:9? (13) Kodi ndi maprofesiya api antsogolo anadikhira imwe kuona kukwanirisika? (14) Kodi munaphatisira tani vidyu ineyi toera kuphedza anango kutawira kuti Bhibhlya yabuluka kwa Mulungu?