Pyakulonga Pa Kugawira Marevista

Sentinela 1.° de Dezembro

“Kodi munatawira kuti nyakubala anakuza ana ekha asanenseka kakamwe kupiringana anyakubala anakuza ana pabodzi? [Dikhirani ntawiro.] Bhibhlya isatiwangisa toera titsalakane ale akuti ali pa nyatwa. [Lerini Masalmo 41:1.] Nsolo unatoma pa tsamba 22 usalonga kuti tinakwanisa tani kutsalakana mabanja a nyakubala m’bodzi.”

Despertai! ya Dezembro

“Anthu azinji asabvunza, ‘khala Mulungu alipo, thangwi yanji nkhabe kupha Dyabo?’ Kodi mwatoma kunyerezera pyenepi? [Dikhirani ntawiro.] Nsolo unagumanika pa matsamba 10 na 11 usatawira mbvunzo unoyu kubulukira m’Bhibhlya. Usatipangambo kuti dziko inadzakhala tani Dyabo angaphiwa.” Lerini Apokalipse 21:3, 4.

Sentinela 1.° de Janeiro

“Anthu azinji asakhulupira kuti munda wa Edeni ndi cithankano. Kodi kudziwa kuti Yezu alonga pya Adhamu na Eva ninga anthu andimomwene kunakudzumisani? [Dikhirani ntawiro. Buluka penepo lerini Mateo 19:4-6.] Revista ino isatawira mibvunzo mingasi inacitwa kazinji kene thangwi ya munda wa Edeni.”

Despertai! ya Janeiro

Pangizani tsamba yakutoma na bvunzani, “Kodi munatawira tani mbvunzo uyu? [Dikhirani ntawiro.] Malemba asawangisa anthu toera kukhala a ntendere. [Lerini Tyago 3:17.] Mphapo, thangwi yanji relijiau nkhabe kugumanyisa anthu? Kodi relijiau inadzabweresa ntendere? Revista ino isapangiza matawiro a mibvunzo ineyi.”