Njira Za Maperekero Aumboni

Toera Kutomesa Mapfundziro a Bhibhlya pa Sabudu Yakutoma mu Nthanda ya Thongwe

“Anthu anango asakhulupira kuti mwandimomwene Bhibhlya ndi bukhu ya maprofesiya. Anango asaona kuti Bhibhlya iri na maprofesiya akukhonda kubveka mwadidi akuti anakwaniswa kufokotozwa mu njira zakusiyana-siyana. Ndi api maonero anu?” Dikhirani ntawiro. Buluka penepo pasani mwanaciro nyumba A Sentinela ya 1.° de Janeiro, na dingani pabodzi mphangwa zinagumanika pa nsolo ung’ono wakutoma pa tsamba 16. Lerini lemba ibodzi mwa malemba anagumanika mu ndima. Perekani marevista, pontho citani masasanyiro akubwerera toera kudinga ntawiro wa mbvundzo unatowerera.

A Sentinela de 1.° de Janeiro

“Tinakwanisa kupfundza pizinji kubulukira kwa amuna na akazi ambiri mu pyakucitika. Munatawira pyenepi? [Dikhirani ntawiro.] Lemba iyi isalonga pya mamuna m’bodzi wa mbiri, m’bodzi basi anacemerwa xamwali wa Mulungu m’Bhibhlya. [Lerini Tyago 2:23.] Revista iyi isafokotoza thangwi yanji Mulungu aona Abhrahamu kukhala xamwali wace, pontho isafokotozambo kuti tinapfundzanji kubulukira ku citsandzo ca Abhrahamu.”

Despertai! de Janeiro

“Kudyekera na njira zinango zakukhonda kulungama zakhala zakudzolowereka kakamwe m’mbuto zamalonda. Anango asanyerezera kuti njira zinango zakukhonda kulungama m’malonda ndi zakufunika toera kupembera. Ndi api manyerezero anu? [Dikhirani ntawiro.] Onani nsangani uyu. [Lerini Misangani 20:17.] Revista iyi isafokotoza thangwi yanji ndi pyadidi kukhala munthu wakulungama.”