Njira Za Maperekero Aumboni

Toera Kugawira Micemerero Ya Cikumbuso

“Tiri pano toera kupasa banja yanu ncemerero uyu wa cakucitika cakufunika kakamwe cinacitwa pyaka pyonsene, cakuti cinadzacitwa mu dziko yonsene yapantsi pa ntsiku 26 ya Murope. Ndi cikumbuso ca kufa kwa Yezu. Kunadzacitwa nkhani ya m’Bhibhlya yakukhonda kulipa. Nkhani ineyi inadzafokotoza kuti kufa kwa Yezu kusatiphedza tani. Ncemerero uyu usapangiza mbuto na ndzidzi unafuna kudzacitwa nsonkhano unoyu mu cisa cathu.”

A Sentinela 1.° de Março

“Anango asacita mbvundzo uyu, ‘Tisadziwa tani kuti Yezu alamuswadi mwa akufa?’ Kodi mwanyerezera kale pyenepi? [Dikhirani ntawiro.] Onani thangwi yanji ntawiro wa mbvundzo unoyu ndi wakufunika. [Lerini 1 Akorinto 15:14.] Revista iyi isafokotoza kuti tisadziwa tani kuti kulamuswa kwa Yezu si uthambi tayu.”

Despertai! de Março

“Musatawira kuti uno ndi ndzidzi wakunentsa kutsalakana banja? [Dikhirani ntawiro.] Anyakubala azinji asagumana uphungu wadidi m’Bhibhlya. Mwacitsandzo, lemba iyi isaphedza ababa toera kusaka miyai yakusimba anawo na kuthimizira cinyindiro cawo. [Lerini Akolose 3:21.] Revista iyi isalonga midida mixanu yakufunika toera kuphedza ababa.”