Aphedzeni Toera ‘Kukhala akuwanga mu Cikhulupiro’

Ndi pyakutsandzayisa kakamwe kuona kuti Yahova asapasa tani nkhombo kugumanyizwa kwa anthu, thangwi pikwi na pikwi pya anthu asabatizwa pyaka pyonsene. (Deut. 28:2) M’mwazi mphangwa angaphedza munthu toera kubatizwa, panango cipendamiro ca m’mwazi mphangwa ndi kusiya kupfundza Bhibhlya na iye, na kukhazikisa manyerezero ace toera kuphedza anthu anango. Nyakupfundza anakwanisambo kukhala na cipendamiro cakufuna kulimira kupfundza, toera kuphatisira ndzidzi uzinji mu utumiki. Mbwenye mphyakufunika kuti anyakupfundza Bhibhlya akhale akuwanga mu undimomwene. Iwo asafunika akhale na ‘mitcitci’ mwa Kristu, na ‘kukhala akuwanga mu undimomwene.’ (Akol. 2:6, 7; 2 Tim. 3:12) Natenepa, pakumala kubatizwa, nyakupfundza asafunika apitirize kupfundza Bhibhlya mpaka kumalisa mabukhu mawiri ene, Biblya Isapfunzisanji na Mu Ufuni Wa Mulungu.​—Onani Utumiki Wathu Wa Umambo wa nthanda Bwinja ya 2011, tsamba 2.