Phatisirani Mwadidi Marevista Akale
Nakuti marevista akale nkhabe phedza munthu angakoyiwa peno kutayiwa, tisafunika kuyesera kuagawira. Revista inakwanisa kucitisa munthu kupangiza cifuno ku undimomwene na kunkulumiza toera kutoma kucemera dzina ya Yahova. (Arom. 10:13, 14) Maonero anatowerera anatiphedza toera kuphatisira mwadidi marevista akale.
Mbwenye pakutoma, mphyadidi kuphemba ale anaonera mbuto ineyi toera kutawiriswa khala asagumanika. Mungaona kuti pana marevista, lekani kusiya anango.
Kodi ali na banja? Asakomerwa kucita ulendo? Asakomerwa kuenda kaona mbuto zakubalika? Sakani marevista akale toera kuona khala pana nsolo wakuti panango anakomerwa nawo, mbamumpangiza pa ulendo wakubwereza.