“Gawirani Marevista Akale peno Bruxura Yonsene Yakuti Isabverana na Cifuno ca Munthu”

Nkati mwa nthanda zizinji tisagawira bukhu Biblya Isapfunzisanji, na kutomesa pfundziro pa ulendo wakutoma. Khala mwanaciro nyumba ali nayo kale bukhu ineyi mbwenye akhonda pfundziro ya Bhibhlya, tisawangiswa toera “kugawira marevista akale peno bruxura yonsene yakuti isabverana na cifuno ca munthu.” Thangwi yanji?

Mabruxura na marevista akale asadinga misolo yakusiyana-siyana ya ndzidzi wakuthema. Misolo inagumanika m’mabukhu anewa panango inakwanisa kukhuya ntima wa mwanaciro nyumba. Natenepa, pakukhunganya pasta yanu ya basa ya m’munda, phatanizani mabruxura na marevista akale akusiyana-siyana. Khala imwe nkhabe marevista akale, panango munakwanisa kuagumana kubulukira ku mbuto inakoyerwa marevista m’mpingo. Buluka penepo, khala mwanaciro nyumba ali nayo kale bukhu Biblya Isapfunzisanji mbwenye nee atawira pfundziro ya Bhibhlya, munakwanisa kumpangiza marevista na mabruxura ali na imwe, mphembeni toera asankhule revista peno bruxura inafuna iye. Natenepa, citani masasanyiro a ulendo wakubwerezera toera kukulisa cifuno ca munthu unoyu. Panango anadzatawira pfundziro ya Bhibhlya.