Maperekero Aumboni

Toera Kutomesa Mapfundziro a Bhibhlya pa Sabudu Yakutoma Ya Maindza

“Tikucedza mwacigwagwa na mabanja. Anyakubala azinji asafuna kuti anawo afune Mulungu. Kodi musanyerezera kuti anyakubala asafunika kupfundzisa anawo kucita pyenepi, peno ana asafunika kupfundza okhene kufuna Mulungu?” Dikhirani ntawiro. Pangizani tsamba yakumalisa ya Ncenjezi 1 ya Maindza, dingani pabodzi mphangwa zinagumanika pantsi pa mbvundzo wakutoma, pontho lerini lemba ibodzi mwa malemba anagumanika mu ndima ineyi. Perekani marevista, pontho citani masasanyiro akubwerera toera kudinga mbvundzo unatowerera.

Ncenjezi 1 ya Maindza

“Tikucedza na anthu toera kulonga thangwi ya Mulungu. Tisadziwa kuti munthu onsene ali na maonero ace thangwi ya Mulungu. Musanyerezera kuti anthu azinji asanyerezera kuti Mulungu ndi mphambvu yakupiringana yacibaliro, peno ninga xamwali wakuti asaatsalakana? [Dikhirani ntawiro.] Lemba iyi ya Bhibhlya isatipanga kuti Mulungu asafuna tikhale na ntundu upi wa uxamwali na iye. [Lerini Tyago 4:8a.] Revista iyi isafokotoza pinthu pitatu pyakuti tisafunika kupicita toera kukhala cifupi na Mulungu.”

Despertai! de Dezembro

“Tikucedza na anthu thangwi ya nyatwa yaungumi inadzudzumisa anthu onsene. Mwakubverana na Nsoka Unatsalakana pya Ungumi pa Dziko Yonsene, mautenda a munsolo ninga kutsukwala, pinadzakhuya munthu m’bodzi mwa anthu anai munjira inango mu umaso wawo. Musanyerezera kuti mautenda anewa a munsolo akunjipa kakamwe? [Dikhirani ntawiro.] Bhibhlya isatipasa cidikhiro ca ntsogolo, umaso pa dziko yapantsi unadzakhala wakusowa mautenda na nyatwa. [Lerini Apokalipse 21:3, 4.] Revista iyi isapangiza pinthu pingasi pyakuti munthu onsene asafunika kupidziwa thangwi ya mautenda a munsolo.”