Munatomesa Tani Makani Mukuphatisira Matratadho?

Kutomera mwezi wa Janeiro wa 2018, tsamba yakutoma ya Programu ya Misonkhano ya Umaso na Utumiki iri na khundu yakuti mafala akukhonda nentsa toera kutomesa makani. Maonero anewa asatiphedza toera kucedza na anthu m’mbuto mwa kuapasa basi ene mabukhu athu. Toera kuphedza amwazi mphangwa kuti anacita tani pyenepi, pana mavidhyu anapangiza kuti anatomesa tani makani mukuphatisira basi ene Bhibhlya. Kodi pyenepi pisabveka kuti nee tisafunika kuphatisira mabukhu pakumwaza mphangwa nyumba na nyumba? Nkhabe. Mwacitsandzo, matratadho athu ndi adidi kakamwe toera kutomesa makani. Tinakwanisa kutowezera maonero anatowerera mu ndzidzi unaphatisira ife matratadho:

1. Citani mbvundzo unagumanika pa tsamba yakutoma.

2. Pangizani ntawiro wa Bhibhlya mukuphatisira lemba inagumanika padzulu pa tsamba yaciwiri. Khala iye ali na ndzidzi, lerini, pontho fokotozani mphangwa zinango zinagumanika mu tratadho.

3. Mpaseni tratadho, pontho m’mphembeni toera angasala aleri ntsonga zinango.

4. Mbamudzati kubuluka, mpangizeni mbvundzo unagumanika pa khundu yakuti “Nyerezerani,” pontho citani masasanyiro toera kudzatawira mbvundzo unoyu paulendo unango.

Mungabwerera, tawirani mbvundzo udasiya imwe, pontho siyani mbvundzo toera kudzatawira paulendo unango. Munakwanisa kusiya mbvundzo unagumanika mu saiti yathu, peno mbvundzo uli m’bhruxura inagumanika pa tsamba yakumalisa ya tratadho. Pa ndzidzi wakuthema, mpangizeni bhruxura yakuti Mphangwa Zadidi za Mulungu! peno bukhu inango inaphatisira ife pakupfundzisa Bhibhlya inagumanika m’Bokosi Yathu Yakupfundzisa.