Kampanya Yakupambulika Toera Kumwaza Mphangwa za Umambo wa Mulungu Mwezi wa Novembro

Yezu amwaza “mphangwa zadidi za Umambo wa Mulungu.” (Luka 4:43) Iye apfundzisambo anthu toera aphembe Umambo unoyu. (Mat. 6:9, 10) Mwezi wa Novembro, ife tinadzacita kampanya yakupambulika toera kumwaza mphangwa za Umambo wa Mulungu. (Mat. 24:14) Citani masasanyiro toera mudzacite khundu mwakukwana mu kampanya ineyi. Onsene anafuna kutumikira ninga apainiya akuphedza mwezi unoyu anakwanisa kupereka maora 30 peno 50.

Wangisirani toera kuleri lemba inalonga pya Umambo wa Mulungu kuna anthu azinji mucisa canu. Pakusankhula lemba, musafunika kunyerezera uphemberi wa anthu anamwazira imwe mphangwa. Munthu angapangiza cifuno paulendo wakutoma, mpaseni Ncenjezi N.° 2 2020. Buluka penepo, citani ulendo wakubwereza kuna munthu unoyu, pontho yeserani kutomesa pfundziro ya Bhibhlya mukuphatisira ibodzi mwa mabukhu athu anagumanika m’Bokosi Yathu Yakupfundzisa. Ndzidzi udasala ndi wakucepa kakamwe toera Umambo wa Mulungu ufudze mautongi onsene anakhonda lemedza Mulungu. (Dan. 2:44; 1 Akor. 15:24, 25) Na thangwi ineyi, tisafunika kucita pyonsene pinakwanisa ife toera kuphedzera mwakukwana kampanya ineyi yakumwaza mphangwa za Umambo wa Mulungu.