Mwazani Mphangwa Zadidi Zinalonga Pya Dziko Ipswa Yakuti Iri Cifupi

Mwezi wa Novembro, ife tinakhala na kampanya yakumwaza mphangwa zadidi zinalonga pya dziko yadidi kakamwe yakuti iri cifupi. (Masal. 37:10, 11; Apok. 21:3-5) Citani masasanyiro toera mucite khundu mu kampanya ineyi. Khala imwe munatumikira ninga mpainiya wakuphedza mwezi unoyu, munakwanisa kupereka maora 30 peno 50.

Khunganyikani toera mukwanise kuleri lemba inalonga pya dziko ipswa kuna anthu azinji. Mu ndzidzi unasankhula imwe mavesi a Bhibhlya toera kualeri, nyerezerani pinthu pinafuna kukomerwa na anthu a mucisa canu. Munthu angapangiza cifuno pa ulendo wakutoma, mpaseni A Sentinela N.° 2 2021. Buluka penepo, citani ulendo wakubwereza mwakucimbiza, pontho yeserani kutomesa pfundziro ya Bhibhlya mukuphatisira bhruxura Tsandzayani na Umaso Kwenda na Kwenda! Ndi pyakutsandzayisa kakamwe kumwaza ‘mphangwa zadidi za pinthu pyadidi.’—Iza. 52:7.

ONANI VIDHYU YA NSOLO WAKUTI NO MUNDO QUE AÍ VEM, BULUKA PENEPO TAWIRANI MIBVUNDZO IYI:

• Kodi ntsikana akunyerezera pinthu pipi pyakutsandzayisa pinafuna kucitika mu dziko ipswa?

• Ndi pinthu pipi pyakuti imwe musafuna kupiona mu dziko ipswa?

• Kunyerezera mwadidi cidikhiro canu kunakuphedzani tani toera kukhunganyika mwakukwana kampanya inafuna kucita ife mwezi wa Novembro?—Luka 6:45