Kuthimizira Maluso Athu Mu Utumiki​—Kumwaza Mphangwa Mukuphatisira Telefoni

THANGWI YANJI NDI PYAKUFUNIKA: Kumwaza mphangwa mukuphatisira telefoni ndi njira yadidi kakamwe ya “kupereka umboni wakukwana wa mphangwa zadidi.” (Mabasa 20:24)a Njira ineyi isatiphedza toera kumwazira mphangwa munthu wakuti nee tinakwanisa kum’mwazira mphangwa nkhope na nkhope.

TINACITA TANI PYENEPI:

• 

  Khunganyikani. Sankhulani nsolo wakuti unaphedza anthu a ncisa canu. Buluka penepo lembani pinafuna imwe kulonga. Khunganyikani mphangwa zakucepa, pontho fokotozani cifuniro ca mphangwa zenezi thangwi panango zinapita mu secretária eletrônica. Ndi pyakufunika kakamwe kukhala pantsi toera kulemba pinthu pinango pinafuna kuphatisira imwe, pontho khala muli na telefoni peno thabuleti pitani JW Library^® peno jw.org^®

• 

  Khalani wakukhurudzika. Longani mwacibaliro. Mwetulirani, pontho citani majesto ninga mukhalonga na munthu nkhope na nkhope. Calirani kulimira-limira pakulonga. Ndi pyakufunika kakamwe kuphata basa pabodzi na anango thangwi pinakuphedzani kukhala akukhurudzika. Mwanaciro nyumba angakucitani mbvundzo, imwe musafunika kuubwereza mwakugaluza toera ndzanu aubvembo kuti akwanise kukuphedzani kugumana ntawiro.

• 

  Khala munthu apangiza cifuno, siyani mbvundzo toera kudzautawira paulendo wakubwereza. Imwe munakwanisambo kuperekeka toera kumpasa mabukhu, peno kuntumizira mabukhu mukuphatisira e-mail. Pontho mphembeni khala pinakwanisika kuntumizira mavidhyu na marevista athu mukuphatisira e-mail. Khala mu dziko mwanu muli na mitemo yakutsidzikiza mphangwa, musafunika kuilemedza