“Nkhabe Kwanisa Kungumana Pontho Panyumba!”

Mwalonga kale tenepo thangwi ya munthu adapangiza cifuno? Maseze mwayesera kazinji kene toera kucedza naye, imwe nkhabe kwanisa kuthirira mbeu ya undimomwene udabzwala imwe. (1 Akor. 3:6) Midzidzi inango, amwazi mphangwa aluso asalembera tsamba munthu wakuti nee asakwanisa kungumana panyumba, peno kusiya tsamba pansuwo wace. Anango asanyerezera mwanyapantsi kuti nee anadzakwanisa kugumana pontho panyumba munthu adapangiza cifuno, natenepa, asaphemba numero ya ntokodzi, peno kumbvundza: “Musakwanisa kulemba mphangwa?” Tingacedzera munthu unoyu peno kuntumizira mphangwa, kupereka umboni mu kuphatisira tsamba, kusiya tsamba pansuwo wace peno kumenya ntokodzi, tinakwanisa kulengesa ulendo wakubwereza. Ngakhale kuti nee asagumanika kazinji kene panyumba, ife tinakwanisa kuthimizira cifuno cace.