KUKHALA M’MASO NINGA AKRISTU

Akumbizi Anaphata Basa Toera Kutsalakana Mwadidi Mabira a Yahova

Anthu azinji nee asanyindira ale ali na cidzo. Thangwi yanji? Thangwi kutomera kale kakamwe, anthu asaphatisira mwakuipa pidzo pyawo toera aphindulise umaso wawo. (Mik. 7:3) Ife tisapereka takhuta kakamwe thangwi akulu a mpingo asapfundziswa toera kutsalakana mwadidi mabira a Yahova.—Est. 10:3; Mat. 20:25, 26.

Akulu a mpingo ndi akusiyana kakamwe na anthu a pidzo n’dziko ino, iwo asaphata basa ninga ayang’aniri thangwi ya kufuna kwawo Yahova na mbumba yace. (Juw. 21:16; 1 Ped. 5:1-3) Mukutsogolerwa na Yezu, akumbizi asaphedza m’mwazi mphangwa m’bodzi na m’bodzi toera aone kuti asacita khundu ya atumiki a Yahova mbakhala na uxamwali wakuwanga na iye. Iwo asaphedza mwakucimbiza mabira a Yahova angaduwala peno angagwerwa na pidengwa. Khala imwe musafuna ciphedzo, cedzani na m’bodzi wa akulu a mpingo wanu.—Tiya. 5:14.

Foto idabuluswa mu vidhyu “Akumbizi Akuti Asatsalakana Mwadidi Nkumbi.” Nkulu wa mpingo ali kukhumbatira m’bale Elias mwakutsandzaya mu ndzidzi unamwanyikana iwo.

ONANI VIDHYU YA NSOLO WAKUTI AKUMBIZI AKUTI ASATSALAKANA MWADIDI NKUMBI, BULUKA PENEPO TAWIRANI MIBVUNDZO IYI:

Mariana aphindula tani na ciphedzo ca akulu a mpingo?

Ntawiro wanu
Elias aphindula tani na ciphedzo ca akulu a mpingo?

Ntawiro wanu
Mwakubverana na vidhyu, musaona tani basa inacita akulu a mpingo?

Ntawiro wanu