Pinthu Pinango Toera Kupfundza

Tomani Kupfundza Pinthu Pyakufunika Kakamwe

Tonsene tiri na ndzidzi wakucepa toera kucita pfundziro ya munthu paekha. Mphapo tinaphatisira tani mwadidi ndzidzi unoyu? Pakutoma, phatisirani ndzidzi wakukwana mu pinthu pinaleri imwe. Imwe munaphedzeka kakamwe mungapfundza mwadidi mphangwa zakucepa m’mbuto mwakupfundza mphangwa zizinji mwakuthamanga.

Buluka penepo sankhulani pinthu pyakufunika kakamwe. (Aef. 5:15, 16) Onani pingasi mwa pinthu pyenepi:

• Lerini Bhibhlya ntsiku zonsene. (Mas. 1:2) Ndandanda yathu ya kuleri Bhibhlya ya misonkhano ya pakati pa sumana inakuphedzani kakamwe.

• Khunganyikani Pfundziro ya Ncenjezi na misonkhano ya pakati pa sumana. Khunganyikani mwadidi toera mukwanise kutawira.—Mas. 22:22.

• Yeseranimbo kuleri marevista a anthu onsene, misolo inagumanika mu jw.org na kuona mavidhyu.

• Pfundzani pinthu pinango pinakomerwa na imwe. Imwe munakwanisa kufufudza thangwi ya nyatwa inathimbana na imwe, mungakhala na mbvundzo, peno mphangwa za m’Bhibhlya zakuti musafuna kuzibvesesa mwadidi. Toera mugumane mphangwa zinango zakuti munakwanisa kuzipfundza, pitani mu jw.org, pa khundu yakuti “Exercícios Bíblicos.”