Phatisirani Bhibhlya Ninga Supeyu

Tiyago alandanisa Bhibhlya na supeyu yakuti isatiphedza toera kudziwa mwadidi makhaliro athu. (Tiya. 1:22-25) Tinaphatisira tani Bhibhlya ninga supeyu?

Lerini mwadidi Bhibhlya. Tingaoneka pa supeyu mwakucimbiza, panango nee tinaona pinthu pyakuti nee piri mwadidi. Munjira ibodzi ene, tingaleri Bhibhlya mwakucimbiza nee tinakwanisa kuona makhaliro akuipa akuti tisafunika kuacinja. Na thangwi ineyi, tisafunika kuleri mwadidi Bhibhlya.

Onani mwadidi makhaliro anu, tayu makhaliro a anthu anango. Midzidzi inango tingayang’ana pa supeyu panango tinaona anthu anango pa supeyu ineyi mbatidzudzumika na iwo. Pyenepi pisacitikambo tingaleri Bhibhlya mbatinyerezera madodo a andzathu. Kucita pyenepi nee kunatiphedza toera kukhala anthu adidi.

Khalani na maonero adidi. Tingayang’ana pa supeyu mbatinyerezera basi ene pinthu pyakuti nee piri mwadidi m’manungo mwathu, tinatsukwala. Pakuleri Bhibhlya tisafunikambo kukhala na maonero adidi. Nee tisafunika kuyesera kucita pinthu pyakuti Yahova asadziwa kuti nee tinapikwanisa.—Tiya. 3:17.