KUTAWIRWA KWA MIBVUNDZO YA BHIBHLYA

Thangwi Yanji M’Bhibhlya Muli Na Maprofesiya?

M’Bhibhlya musagumanika unyomonyomo wa maprofesiya mazinji. Nkhabe munthu anakwanisa kulonga unyomonyomo wa ntsogolo. Natenepa, kukwanirisika kwa maprofesiya a Bhibhlya kusatipasa cinyindiro cakuti Bhibhlya ndi Mafala a Mulungu.​—Lerini Yoswa 23:14; 2 Pedro 1:20, 21.

Maprofesiya a Bhibhlya adakwanirisika asawangisa cikhulupiro cathu kwa Mulungu. (Ahebere 11:1) Iwo asatipasambo cinyindiro cakuti mapikiro a Mulungu analonga pya tsogolo yadidi anadzakwanirisika. Natenepa, maprofesiya a Bhibhlya asatipasa cidikhiro cakunyindirika.​—Lerini Masalmo 37:29; Aroma 15:4.

Maprofesiya a Bhibhlya Asatiphedza Tani?

Maprofesiya anango asacenjeza atumiki a Mulungu toera kucita pinthu. Mwacitsandzo, mudaona Akristu a pyaka dzana yakutoma kukwanirisika kwa maprofesiya, iwo abuluka mu Yerusalemu. Mukupita kwa ndzidzi, mukhafudzwa nzinda thangwi yakuti anthu akhakhonda kubvera Yezu, Akristu akhali kutali, pontho pa mbuto yakutsidzikizika.​—Lerini Luka 21:20-22.

Lero, maprofesiya adakwanirisika asapangiza kuti mwakukhonda dembuka Umambo wa Mulungu unadzafudza maumambo na mautongi a anthu. (Danyele 2:44; Luka 21:31) Na thangwi ineyi, uno ndi ndzidzi wakuti m’bodzi na m’bodzi acite pinthu mwakucimbiza toera kukhala wakutawirika kuna Mambo adasankhulwa na Mulungu, Yezu Kristu.​—Lerini Luka 21:34-36.

Toera kudziwa pizinji, onani nsolo 2 wa bukhu iyi, yakubuluswa na Mboni za Yahova

Isagumanikambo mu www.jw.org/seh