Thangwi Yanji Kuenda Mwakucimbiza?

Tingagumanyikana na abale athu toera kuenda m’basa yakumwaza mphangwa kazinji kene tisafuna kucedza. Natenepa, nsonkhano ungamala, tisafunika kuenda mwakucimbiza n’cisa. Basa yathu yakumwaza mphangwa ndi yakucimbiza kakamwe. (2 Tim. 4:2) Tingadembuka na kucedza, tisadzasala na ndzidzi wakucepa wakumwaza mphangwa. Ife tinadzakhala na miyai mizinji yakucedza na amwazi mphangwa andzathu tingaphata basa pabodzi na iwo mu utumiki. Kuenda kwathu mu utumiki mwakukhonda dembuka kusapangiza phinga yathu munatumikira ife Yahova na Mwanace ninga mabitcu.​—Arom. 12:11.