PFUNDZIRO 10

Kucinja-cinja Fala

Misangani 8:4, 7

MUSAFUNIKA KUCITANJI: Toera kubvekesa mphangwa zinalonga imwe, pontho toera kukhuya ntima, longani mwakugaluza peno mwakuthowa, cinjani njira yakulonga, pontho longani mwakucimbiza peno pang’ono-pang’ono.

MUNACITA TANI PYENEPI:

Galuzani peno thowesani fala yanu. Longani mwakugaluza toera kugomezera ntsonga zakufunika zakuti zinaphedza anyakubvesera anu. Citani pibodzi pyene mungaleri makhundu a m’Bhibhlya analonga pya kutonga. Thowesani fala yanu toera kupangiza kugopa peno kupswipa ntima.

Mungagaluza kakamwe fala yanu, anyakubvesera anu anapibva ninga mukuapokera. Calirani kulonga munjira yakusekesa basi ene toera anthu akupaseni mbiri.
Pangizani mabvero akusiyana. Khala mphyakutawirika mu cilongero canu, galuzani fala yanu toera kupangiza kugalamuka, kukula peno kulapha kwa cinthu. Thowesani fala yanu toera kupangiza kutsukwala peno kupswipa ntima.
Longani mwakucimbiza peno pang’ono-pang’ono. Longani mwakucimbiza toera kupangiza kutsandzaya. Longani pang’ono-pang’ono toera kubvekesa ntsonga zakufunika.

Toera kukhonda kudzudzumisa anyakubvesera anu, lekani kuatutumusa mungafuna kulonga mwakucimbiza peno pang’ono-pang’ono. Lekani kulonga mwakucimbiza kakamwe kwakuti mafala anu nee anabuluka mwadidi.