Kucinjwa Kwa Misonkhano Ya Pakati Pa Sumana

Kutomera pa sumana 3 ya nthanda ya Nyenzi, mphindi 25 za Pfundziro Ya Bhibhlya Ya Mpingo zinadzathimizirwa mpaka mphindi 30. Pa mafalace akutoma, nyakucitisa pfundziro asafunika kuphatisira mphindi ibodzi toera kubwerezera pfundziro ya sumana idamala. Ndzidzi wa Nsonkhano Wa Basa unadzapungulwa pa mphindi 35 mpaka mphindi 30. Nee panadzaonekabve khundu toera kucita pidziwiso. Mbuto mwace, pidziwiso pyonsene pinadzacitwa pakutoma kwa khundu yakutoma ya ndandanda wa Nsonkhano Wa Basa. Kazinji kene, pidziwiso pyakucepa khala piripo pinadzakwana, pontho nkhabe funika kudziwisa makhundu anafuna kudzacitwa pa Nsonkhano Wa Basa. Pidziwiso pinalonga thangwi ya masasanyiro a utumiki wa m’munda, ndandanda wa kupswaira, na kupereka mwanyikiro peno kucita bweraniko, nee pisafunika kucitwa. (km 10/08 tsa. 1, ndima 4) Khala pasafunika kuperekwa cidziwiso cakulapha, mphyadidi kudziwisa mwanyapantsi abale anafuna kucita makhundu pa nsonkhano toera abweze ndzidzi wa makhundu awo.